اسپتال میں زخم لگا کر جعلی میڈیکل سرٹیفیکیٹ بنا کر دینے والا گروہ کے دو افراد اے آر وائی نیوز کی مدد سے گرفتار کر لئے گئے۔خانیوال اسپتال میں تعینات ریڈیو گرافر یٰسین بھٹی اور تحصیل ہیڈ کوارٹر اسپتال کبیر والہ کے وارڈ اسسٹنٹ ریاض بھٹی عرصہ دراز سے رقم لے کر خود ساختہ زخم لگا تے اور جعلی سرٹیفیکٹ بنا کر لوگوں کو بھاری رقم کےعوض دیتے تھے۔
لوگوں کی شکایات پراے آروائی نیوز کی ٹیم نے ڈی سی او خانیوال کے ساتھ مل کر ایک رضا کار کو تیار کیا اور اس کے خود ساختہ زخم لگوائے جس کے عوض بھاری رقم بھی ادا کی اور اس سارے معاملے کو چھپے ہوئے کیمرے کی آنکھ میں بند کیا۔
جس پر ڈی سی او خانیوال عثمان معظم نے اس پر ایکشن لیا اور دونوں ملازمین کو معطل کرنے کے بعد گرفتار کر کے تھانہ سٹی خانیوال میں مقدمہ درج کر دیا۔ اے آر وائی نیوز کے اس عمل کو لوگوں نے اور ڈی سی خانیوال نے خوب سراہا۔
