site
stats
بزنس

خیبرپختونخواہ میں سالانہ آٹھ ارب کی گیس چوری، وزیر پیٹرولیم کا انکشاف

لاہور: وفاقی وزیر پیٹرولیم شاہد خاقان عباسی نے کہا ہے کہ خیبر پختونخواہ میں سالانہ آٹھ ارب روپے کی گیس چوری ہور ہی ہےاورخیبرپختونخواہ حکومت نے گیس چوری رکوانے میں ہماری مدد نہیں کی۔

لاہورمیں سوئی ناردرن گیس کمپنی کے ہیڈ آفس میں میڈیا سے گفتگو کرتے ہوئے شاہد خاقان عباسی نے کہا کہ 31 مارچ سے قبل ایل این جی سسٹم میں آجائے گی اور پہلی ترجیح پاور سیکٹرز ہیں۔

سی این جی سیکٹر کو گیس کی فراہمی کے سوال پر انہوں نے کہا کہ سی این جی پمپس کو ہم گیس فراہم نہیں کرینگے وہ اپنی ایل این جی امپورٹ کرسکیں گے۔

 عمران خان کی جانب سے الیکشن دھاندلی پر جوڈیشل کمیشن کے سوال پر شاہدخاقان عباسی نے کہا عمران خان صبح و شام بات کرتے رہتے ہیں کمیشن بنانے کی کوئی ضرورت نہیں، پیٹرول اور گیس بحران پر جس کسی کو کمیشن بنانے کا شوق ہو وہ بنا لے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top