The news is by your side.

Advertisement

دبئی: پاکستان آئی ایم ایف مذاکرات آج ، 55 کروڑ ڈالر ملنے کا امکان

دبئی : پاکستان اور آئی ایم ایف کے درمیان مذاکرات کا حتمی دور آج دبئی میں ہوگا، مذاکرات کامیابی کی صورت میں آئی ایم ایف سے پچپن کروڑ ڈالر کی قسط ملنے کا امکان ہے۔

پاکستان اور آئی ایم ایف کے درمیان قرض پروگرام کے تحت ساتویں جائزے پر مذاکرات کا حتمی دور آج دبئی میں ہوگا،  ذرائع کے مطابق پاکستانی وفد کی سربراہی وزیرِخزانہ اسحاق ڈار کریں گے،  اس سلسلے میں پالیسی مذاکرات ایک ہفتے دبئی میں جاری رہے۔

ذرائع کے مطابق حکومت نے آئی ایم ایف کو آئندہ مالی سال کے بجٹ میں بجلی وگیس کی قیمتوں میں اضافہ کی یقین دہانی کرائی ہے۔ آئی ایم ایف نے پاکستان سے توانائی کے شعبے میں دی جانیوالی سبسڈی کم کرنے کیلئے کہا تھا۔

ذرائع کے مطابق آئی ایم ایف نے آئندہ قسط جاری کرنے کیلئے مزید افراد کو ٹیکس نیٹ میں لانے کی شرط رکھی ہے، اس کے علاوہ حکومت کی جانب سے بجٹ خسارہ کم کرنے شرط پر چھوٹ حاصل کرنے کی کوشش کی جائے گی۔

گزشتہ تمام جائزوں میں آئی ایم ایف حکام نے پاکستان کی مجموعی کارکردگی پر اطمینان کا اظہار کیا تھا۔

Comments

comments

یہ بھی پڑھیں