اسلام آباد: پاکستان کی وزارت خزانہ نےبتایا ہےکہ رواں سال پاکستان کی معاشی ترقی کی شرح پانچ فیصد رہےگی، دوہزار اٹھارہ تک سات ہزار میگا واٹ اضافی بجلی سسٹم میں شامل ہوگی۔
اکنامک ایڈوائزری کونسل کا پانچواں اجلاس وزیرخزانہ اسحاق ڈارکی زیر صدارت ہوا، کونسل نے وزیر خزانہ کی چارٹر آف اکنامی کی تجویزکی توثیق کرتے ہوئےکہا ہےکہ کوئی بھی حکومت ہو وہ معاشی ترقی کو اولین ترجیح دے،حکومت کی تبدیلی کےساتھ معاشی پالیسیزکو تبدیل نہیں ہونا چاہیئے۔
اجلاس میں وزیر خزانہ نےکمیٹی کو آئی ایم ایف اور نجکاری پروگرام پر ہونےوالی پیش رفت سےآگاہ کیا۔
- Advertisement -
سیکریٹری خزانہ ڈاکٹر وقارمسعود نےبریفنگ دیتےہوئےبتایاکہ رواں سال پاکستان کی معاشی ترقی کی شرح 5 فیصد رہےگی۔
وزیرخزانہ نےکمیٹی کو بتایاکہ 2018 تک سات ہزار میگا واٹ اضافی بجلی سسٹم میں شامل کرلی جائیگی۔
