اسلام آباد : پی ٹی آئی کے رہنما اسحاق خان خاکوانی نے کہا ہے کہ جوڈیشل کمیشن کے قیام کے معاہدے میں تین نکات ہیں۔ ایک بھی ثابت ہوا تو حکومت اخلاقی قدر کھو دے گی، اسٹیٹ بینک کے کردار پر بھی تشویش ہے۔
تفصیلات کے مطابق پی ٹی آئی ٹاسک فورس کے کوآرڈینیٹر اسحاق خاکوانی نے اے آروائی نیوز سے بات کرتے ہوئے کہا ہے کہ دھاندلی کے ثبوت حاصل کرنے کے لئے پی ٹی آئی ٹاسک فورس کا کام جاری ہے۔
جوڈیشل کمیشن کے قیام کے لئے کئے گئے معاہدے میں تین نکات ہیں۔ ایک بھی نقطہ ثابت ہوا تو حکومت اخلاقی قدر کھو دے گی۔
انہوں نے کہا کہ جوڈیشل کمیشن بننے کےبعد دھاندلی کے ثبوتوں کے لئے مختلف سیاسی جماعتیں تعاون کر رہی ہیں۔ مسلم لیگ ن کے رکن نے بھی ٹاسک فورس سے رابطہ کیا ہے۔
اسحاق خاکوانی نے کہا کہ بینک ڈیفالٹرزاورکرمنل کیسزمیں ملوث افرادانتخاب نہیں لڑسکتےتھے۔ بینک ڈیفالٹرز کے انتخاب لڑنے پر اسٹیٹ بینک ذمہ دار ہے۔ سپریم کورٹ کی دی گئی مہلت سے ایک دن قبل شواہد جمع کروا دیں گے۔
