The news is by your side.

Advertisement

رحیم یارخان: ونی کی گئی دو کمسن دلہنیں بازیاب،پانچ ملزمان گرفتار

رحیم یارخان: تھانہ سبزل کی حدود میں رحیم یارخان پولیس نے چھاپہ مارکر ونی کی گئی دو معصوم دلہنوں کو بازیاب کرالیا، واقعے میں ملوث پانچ ملزمان بھی گرفتار کرلئےگئے۔

تفصیلات کے مطابق قانون اور مذہب کے تمام اصولوں کو بالائے طاق رکھتے ہوئے ونی کی فرسودہ رسم آج بھی سندھ اور پنجاب کے بیشترعلاقوں میں جاری ہے۔

جس عمر میں بچیاں گڑیااور گڈے کی شادی میں گڑیا کو دلہن بناتی ہیں اس عمر میں رحیم یار خان کی دو معصوم کلیوں کو خود دلہن بنادیا گیا۔اطلاعات کے مطابق تھانہ سبزل کی حدود میں دو بہنوں نو سالہ آمنہ اور سات سالہ فرزانہ کا نکاح دس سالہ گل حسن اور آٹھ سالہ بیربل سے طے پایا تھا۔

پولیس نے موقع پر پہنچ کر بچیوں کو ونی ہونے سے بچالیا اور واقعےمیں ملوث پانچ ذمہ داروں کو بھی دھرلیا۔

Print Friendly, PDF & Email

Comments

comments

یہ بھی پڑھیں