کراچی : سندھ حکومت نے سابق وفاقی وزیر سردار یار محمد رند اور ان کے بیٹے سردار خان کو 90 روز کیلئے نظر بند کرنے کے احکامات جاری کردیئے ہیں۔
محکمہ داخلہ سندھ کے مطابق دونوں کو ایم پی او کے تحت نظر بند کیا گیا ہے اور یہ فیصلہ ڈپٹی کمشنر دادو کی درخواست پر کیا گیا ہے۔
درخواست میں کہا گیا تھا کہ سردار یار محمد رند اور ان کے بیٹے سردار خان آئل اینڈ گیس کمپنی جوہی تعلقہ دادو میں کمپنی کو دھمکیاں دینے اور کام بند کروانے میں ملوث ہیں ۔
جس کے باعث محکمہ داخلہ سندھ کی جانب سے نظر بندی کا فیصلہ کیا گیا، ڈپٹی کمشنر کو ایم پی او کے تحت دونوں کو نظر بند کرنے کے احکامات دیدیئے گئے ہیں۔