site
stats
سندھ

سانحہ شکارپور کیخلاف ریلی کراچی کیلئے روانہ

شکار پور: سانحہ شکار پور کے خلاف وزیراعلیٰ ہاؤس کے باہر دھرنا دینے کے لئے شکار پور سے سینکڑوں افراد پر مشتمل ریلی کراچی کےلئے روانہ ہوگئی۔

ریلی کی قیادت علامہ مقصود ڈومکی کررہے ہیں۔ تفصیلات کے مطابق سانحہ شکار پور کے ذمہ داروں کے خلاف کارروائی کا مطالبہ کرتے اور لبیک یاحسین کے نعرے لگاتے سینکڑوں افراد پر مشتمل ریلی شکار پور سے کراچی روانہ ہو گئی۔

ریلی کی قیادت علامہ مقصود ڈومکی کر رہے ہیں۔ اے آروائی نیوز سے گفتگو کرتے ہوئے علامہ ڈومکی کا کہنا تھا کہ ہمارے مارچ اور وزیر اعلیٰ ہاؤس کے باہر دھرنے کا مقصد حکومت کو کمزور کرنا نہیں بلکہ حکومت کے ہاتھ مضبوط کرنا ہے تاکہ وہ دہشت گردوں سے مقابلہ کرسکے۔

علامہ ڈومکی کا مزید کہنا تھا کہ جس طرح بلاول بھٹو زرداری نے دہشت گردوں کو للکارا ہے،وزیر اعلیٰ سندھ سید قائم علی شاہ بھی اسی راہ کو اختیار کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top