منگل, فروری 11, 2025
اشتہار

سانحہ صفورا میں دہشتگردی کا نشانہ بننے والے کلینر کا بیان ریکارڈ

اشتہار

حیرت انگیز

کراچی : پولیس نے صفورہ گوٹھ میں دہشتگردی کا نشانہ بننے والے کلینر کا بیان ریکارڈ کرلیا ہے۔

جس میں کلینر کا کہنا ہے کہ عورتیں اوربچےچلاتےرہےان کونہ مارو ان کو نہ مارو، لیکن دہشتگردوں کو رحم نہ آیا، کلینر نے بتایا کہ ملزمان نے بس میں فائرنگ شروع کی تو وہ فرش سے چپک کرلیٹ گیا،  دہشتگرد مسافروں پر چلائے کہ سب اپنے سر نیچے کرلو۔

کلینر نے انکشاف کیا کہ فائرنگ کے بعد بس مقتل بن گئی لوگ رحم کی اپیلیں کرتے رہے لیکن سنگ دل دہشتگردوں نے ایک نہ سنی، مردوں کو مرتا دیکھ کرعورتیں اور بچے چلانے لگے، ان کو نہ مارو، ان کو نہ مارو لیکن دہشتگردوں پر کوئی اثر نہ ہوا۔

کلینر نے بتاتا اسماعیلی برادری کی بس میں تمام کارروائی پانچ سے سات منٹ میں مکمل ہوئی اور دہشتگرد باآسانی فرار ہونے میں کامیاب ہوگئے۔

واضح رہے کہ کراچی کے علاقے صفورہ گوٹھ میں دہشت گردوں نے اسماعیلی بس پر فائرنگ کردی تھی، جس کے نتیجے میں سینتالیس افراد جاں بحق ہوگئے تھے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں