اسلام آباد : سانحہ نلتر میں جانیں گنوانےوالےغیر ملکی سفیروں اور ان کی بیگمات کی میتیں واپس بھجوانے کی تیاریاں کی جا رہی ہیں۔ پاکستانی دفتر خارجہ کے مطابق سانحہ نلترمیں جاں بحق افراد کی میتیں بھجوانے کی تیاریاں کی جارہی ہیں.
اس سلسلے میں ناروے،انڈونیشیا، ملائشیا اورفلپائن کےوفود اسلام آبادپہنچ گئے، سانحہ نَلتر کےتیسرےروزبھی فضا سوگوار ہے۔ ناروے اور فلپائن کے انجہانی سفیر وں کے لواحقین پاکستان پہنچ چکے ہیں۔
انڈونیشیا اورملائشیا سے وفود بھی اسلام آباد آگئے جو سفیروں کی بیگمات کی میتیں لےکرجائیں گے۔ دفترخارجہ کاکہنا ہے ناروے کی فرانزک ٹیم بھی اسلام آباد پہنچی ہے،جو ڈی این اے ٹیسٹ میں مدد کرے گی۔
ناروے کی ٹیم سی ایم ایچ راولپنڈی میں پاکستانی ماہرین کے ساتھ کام کرے گی۔ نیدرلینڈزکے زخمی سفیر کو لینے کیلئے ایئر ایمبولینس بھی جلد پاکستان پہنچ رہی ہے۔
