The news is by your side.

Advertisement

سعودی عرب کو یمن میں مداخلت پر بھاری قیمت چکانا ہوگی، ایران

یمن : صنعا ائرپورٹ پر امدادی سامان لے کر آنے والے ایرانی طیارے کو اترنے کی اجازت نہیں دی گئی، جس پر ایران نے شدید رد عمل کا اظہار کیا ہے، ایران نے کہا کہ سعودی عرب کویمن میں مداخلت پر بھاری قیمت چکانا ہوگی۔

عدن میں حوثی قبائل اور سابق صدر کےحامیوں کے درمیان جھڑپوں میں مزید بارہ شہری ہلاک ہوئے، سعودی جیٹ طیاروں نے صنعاء ائیرپورٹ پر بمباری کی ہے۔

سعودی عرب نے یمن میں فضائی بمباری کے ساتھ حوثی قبائل کے خلاف تربیت یافتہ قبائلی جنگجو بھی یمن کی سرحد میں داخل کردیئے ہیں،  جس سے جھڑپوں میں مزید اضافہ ہوا ہے۔

سعودی اتحادی افواج نے ایک طرف یمن میں فضائی حملے تیزکردیے اور دوسری طرف فوجی تربیت یافتہ یمنی قبائلی جنگجوؤں کو حوثی قبائل کے زیرِ تسلط علاقوں میں داخل کردیا۔

جس سے حوثی قبائل اور جنگجوؤں کے درمیان جھڑپیں تیز ہوگئی ہیں۔

سعودی فوج حکام نے یمن میں حوثی قبائل کے خلاف کامیابی کے لیے زمینی مداخلت کو ناگزیر قراردیتے ہوئے قبائلی جنگجوؤں کو تربیت دی تھی۔

 

Print Friendly, PDF & Email

Comments

comments

یہ بھی پڑھیں