کراچی : نائن زیرو پر چھاہے اوراور پی ٹی آئی ارکان کےاستعفوں کا معاملہ سندھ اسمبلی میں ہنگامہ آرائی کا باعث بن گیا ۔شہلارضا اور محمد حسین میں تلخ کلامی ہوئی ۔
ڈپٹی اسپیکر نےایم کیو ایم رکن کوعلامہ قراردے دیا، تفصیلات کے مطابق سندھ اسمبلی کے اجلاس کی کارروائی اراکین کی ہنگامہ آرائی کی نذر ہو گئی۔
اجلاس شروع ہوا تو ایم کیو ایم نے نائن زیرو پر رینجرز کے چھاپے کیخلاف شدید احتجاج کیا۔ وقفہ کے بعد سیشن جب دوبارہ شروع ہوا تو پھر کان پڑی آواز سنائی نی دی۔
ایم کیوایم کے محمد حسین نے ڈپٹی اسپیکر کو کہہ دیا کہ آپ اسکول جائیں۔ جس پرڈپٹی اسپیکر نے برہمی کا اظہار کیا اورجواب میں محمد حسین کو سارے جہان کا علامہ قرار دےد یا۔
ڈپٹی اسپیکر سیخ پا تھیں۔ انہوں نے ایم کیو ایم کے محمد حسین کو سارے جہاں کا علامہ قرار دیتے ہوئے انگریزی پڑھانے کی دعوت دے ڈالی اور وقفے کا اعلان کردیا۔
سندھ اسمبلی کے اجلاس میں وزیراعلیٰ سندھ سید قائم علی شاہ موجود تھے۔اس دوران شاہ جی حسب روایت مزے سے تماشا دیکھتے رہے۔
