سینیٹر رحمان ملک کا ایم کیوایم کے قائد الطاف حسین کو ٹیلی فون -
The news is by your side.

Advertisement

سینیٹر رحمان ملک کا ایم کیوایم کے قائد الطاف حسین کو ٹیلی فون

اسلام آباد: پیپلزپارٹی کےرہنماء سینیٹر رحمان ملک نے ایم کیوایم کے قائد الطاف حسین سے ٹیلی فون پر رابطہ کیا، الطاف حسین کا کہنا تھا کہ موجودہ صورتحال میں ملک کو قومی اتفاق رائےاور یکجہتی کی اشد ضرورت ہے۔

پیپلزپارٹی کے رہنماء سینیٹر رحمان ملک نے ایم کیوایم کے قائد الطاف حسین سے فون پر گفتگو کی اور ملک کے سیاسی حالات سمیت مجموعی صورتحال پر تبادلہ خیال کیا۔

دونوں رہنماوں نے ملک کی موجودہ صورتحال پر تشویش کا اظہار کرتے ہوئےاتفاق کیا کہ سینیٹ کےالیکشن کے موقع پر ہارس ٹریڈنگ کی روک تھام کے لئے موثر اقدامات ہونے چاہئیں، کیونکہ ہارس ٹریڈنگ کا عمل قومی سیاست کیلئے کسی طرح بھی مناسب نہیں۔

الطاف حسین کا کہنا تھا کہ ملک کو نازک صورتحال اور چیلنجز کا سامنا ہے اور ان حالات میں قومی اتفاق رائے اور یکجہتی کی اشد ضرورت ہے۔

Comments

comments

یہ بھی پڑھیں