اسلام آباد: حکومت کا کہنا ہےگزشتہ سال کی طرح رواں سال بھی موسم سرما میں صنعتوں اور سی ان جی سیکٹر کیلئے گیس کی طویل لوڈ شئڈنگ برقرار رہے گی۔
وزیر پیٹرولیم و قدرتی وسائل شاہد خاقان عباسی نے کہا کہ ملک میں گیس کی طلب زیادہ جب کہ فراہمی کم ہے جس کے باعث سی این جی اورصنعتوں کو بھی گیس فراہمی گزشتہ سال جیسی رہے گی، انہوں نے مزید کہا کہ سسٹم میں مزید گیس شامل ہونے سے صورت حال بہتر ہوجائے گی۔
شاہد خاقان عباسی کا کہنا تھاکہ سی این جی سیکڑکو درآمدی ایل این جی فراہم کی جائے گی، شاہد خاقان عباسی کے مطابق گیس انفرااسٹر کچرڈولپمنٹ سیس کے ذریعے چوراسی ارب روپے جمع کیے گئے، جو ایران پاکستان گیس پائپ لائن، ٹاپی اور ایل این جی سمیت دیگر منصوبوں کے انفرااسٹرکچر کیلیے استعمال کئے جائیں گے، حکومت جی آئی ڈی سی پر نظرثانی کے لیے عدالت میں درخواست دائر کردی۔۔۔جی آئی ڈی سی کے اطلاق سے گیس کی قیموں میں اضافہ کا خدشہ ہے ۔
