صدر اوباما نے نئی امریکی سیکورٹی پالیسی کا اعلان کردیا -
The news is by your side.

Advertisement

صدر اوباما نے نئی امریکی سیکورٹی پالیسی کا اعلان کردیا

واشنگٹن :امریکی صدر براک اوباما کا کہنا ہے کہ افغانستان میں استحکام اور جنوبی ایشیا میں پائیدار امن کے قیام کیلئے پاکستان کیساتھ ملکر کام کرتے رہیں گے۔

کانگریس میں نئی سیکیورٹی پالیسی کا اعلان کرتے ہوئے صدربراک اوباما کا کہنا تھا کہ افغانستان میں استحکام ، دہشت گردی کے خاتمے اور جنوبی ایشیا میں پائیدار امن کے قیام کیلئے پاکستان کیساتھ ملکر کام کرتے رہیں گے، بھارت اورپاکستان دونوں کے ساتھ اچھے تعلقات ہیں ۔

صدر اوباما نے نئی سیکورٹی پالیسی میں ڈرون حملے جاری رکھنے کا اشارہ دیتے ہوئے امریکا کی اسلام مخالف جنگ کے تاثر کی نفی کی۔

دوسری جانب امریکی محکمہ خارجہ کا کہنا ہے کہ پاکستان اوربھارت امریکا کے اسٹریٹجک مفادات کے لئے اہم ہیں، دونوں ملکوں کے ساتھ دفاعی مفادات وابستہ ہیں۔

 ترجمان امریکی محکمہ خارجہ نے میڈٰیا سے گفتگو میں کہا کہ بھارت کے اپنے پڑوسی ممالک کے ساتھ اچھے تعلقات ہونے چاہئیں۔

Comments

comments

یہ بھی پڑھیں