اسلام آباد: پاکستان تحریک انصاف کے چیئرمین عمران خان کی سات ماہ کے بعد پارلیمنٹ آمد پر سیاسی رہنماؤں کے ملے جلے بیانات سامنے آئے ۔
ن لیگ کے سئینر رہنما مشاہد اللہ نےعمران خان کی پارلیمنٹ میں واپسی کو تنقید کا نشانہ بناتے ہوئے کہا کہ عمران خان شہنشائے یو ٹرن ہیں۔
مولانا فضل الرحمان نے پارلیمنٹ کے باہر میڈیا سے گفتگو کرتے ہوئے کہا کہ اسمبلی میں پی ٹی آئی ممبران اجنبی تصور کئے جائیں گے۔
سینیٹر رحمان ملک نے پارلیمنٹ کے باہر میڈیا سے گفتگو میں پی ٹی آئی اراکین کو اسمبلی میں خوش آمدید کہا اور کہا کہ بہت دیر کی مہربان آتے آتے۔
اے این پی رہنما زاہد خان نے عمران خان کو تنقید کا نشانہ بناتے ہوئے کہا کہ جوڈیشل کمیشن بنا نہیں، صرف کاغذی کارروائی ہوئی، خط تھما دیا گیا اور تبدیلی آگئی۔
رکن اسمبلی خرم شیر زمان کا کہنا تھا کہ جوڈیشل کمیشن کا قیام بڑی کامیابی ہے۔
سندھ اسمبلی کے اجلاس میں قائد حزب اختلاف شہریار مہر نے پی ٹی آئی اراکین کو خوش آمدید کہا۔
