یروشلم: اسرائیلی پولیس نے مغربی کنارے پرگرفتاری کے دوران فرار ہونے کی کوشش کرنے پرفلسطینی نوجوان کو قتل کردیا۔
رواں ہفتے میں گرفتاری کے دوران ہلاکت کا یہ تیسرا واقع ہے۔
پولیس کے مطابق سرحدی پولیس فورس رملہٰ کے نزدیک واقع قلندیہ مہاجر کیمپ میں دو مشتبہ دہشت گردوں کو گرفتار کرنے کے لئے داخل ہوئی تھی۔
پولیس کا کہنا تھا کہ ان میں سے ایک چھت عبورکرکے فرار ہونے کی کوشش کررہاتھا اسے روکنے کے لئے اس کے پیر پر گولی ماری گئی جب وہ ایک چھت سے دوسری چھت پرکودنے کی کوشش کررہا تھا۔
فلسطینیوں نے مارےئ جانے والے شخص کی شناخت محمد ابو لطیفہ کے نام سے کی ہے جس کی عمر 18 سال ہے۔
قلندیہ مہاجر کیمپ کی انتظامیہ کے مطابق اسرائیلی فورسز صبح سے کچھ دیر قبل کیمپ میں داخل ہوئیں جس کے بعد یہ جھڑپیں پیش آئیں۔
پولیس کا موقف ہے کہ انہوں نے گولی مارنے سے قبل ابو لطیفہ کو رکنے کی تنبیہہ کی تھی۔
