لاہور: لاہورہائی کورٹ نے پنجاب حکومت اور فلڈ ریلیف کمیشن سے دو ہفتے میں جواب طلب کرلیا ہے کہ فلڈ کمیشن رپورٹ پر کتنا عمل درآمد کیا گیا ہے۔
لاہور ہائیکورٹ میں فلڈ کمیشن رپورٹ پر عمل درآمد نہ ہونے کے خلاف درخواست کی سماعت ہوئی، درخواست گزار صفدر پیرزادہ نے عدالت میں مؤقف اختیار کیا کہ دو ہزار دس میں ہائی کورٹ نے سیلاب سے بڑے پیمانے پرتباہی کی تحقیقات کی، ٹربیونل نے نقصانات سے بچنے کے لیے سفارشات مرتب کیں، جس پر آج تک عمل نہیں ہوا۔
درخواست گزار نے استدعا کہ رپورٹ پر عمل درآمد اور حفاظتی اقدامات نہ کرنے پر ذمہ داروں کے خلاف کارروائی کا حکم دیا جائے، عدالت نے دلائل سننے کے بعد پنجاب حکومت اور فلڈ ریلیف کمیشن سے دو ہفتوں میں جواب طلب کرلیا ہے۔
0
20
