لاہور: میئو اسپتال میں بم کی اطلاع پر خوف و ہراس پھیل گیا، تفصیلات کے مطابق لاہور میں واقع میئو اسپتال کے بچہ وارڈ میں بم کی اطلاع ملنے پر وارڈ میں داخل مریضوں میں خوف و ہراس پھیل گیا۔
سیکیورٹی اداروں نے اسپتال کو گھیرے میں لے لیا، جبکہ بم ڈسپوزل اسکواڈ کو بھی طلب کر لیا گیا ہے،انتظامیہ نے اسپتال کو خالی کروا لیا ہے۔
جبکہ کچھ دیر قبل لاہور میں قلعہ گجر سنگھ پولیس لائنز کے قریب زوردار دھماکہ بھی ہوا، جس کے نتیجے 5افراد جاں بحق جبکہ متعدد افراد زخمی ہوئے، دھماکہ کے بعد علاقے میں خوف و ہراس پھیل گیا۔
ذرائع کے مطابق دھماکہ اتنا شدید تھا کہ دھماکہ کی آواز دور دور تک سنی گئی ، جبکہ کئی عمارتوں کے شیشے بھی ٹوٹ گئے اور قریبی گاڑیوں اور موٹر سائیکلوں میں آگ لگ گئی۔
پولیس نے علاقے کو گھیرے میں لےلیا ہے۔ سی سی پی او کے مطابق دھماکہ پولیس لائن کے گیٹ کے سامنے کھڑی گاڑی میں ہوا، دھماکے کے بعد مختلف سڑکوں پر ٹریفک جام ہوگیا ۔
