site
stats
بزنس

مالیاتی اداروں کی پاکستانی معیشت اور کراچی اسٹاک مارکیٹ کے روشن مستقبل کی پیشگوئی

کراچی : دنیا بھر کے مانے ہوئے مالیاتی اداروں نے پاکستانی معیشت اور کراچی اسٹاک مارکیٹ کے روشن مستقبل کی پیشگوئی کردی۔

پاکستانی معیشت میں بہتری اور کراچی اسٹاک مارکیٹ میں بڑھوتری کے ان دنوں سب ہی معترف ہیں، آئی ایم ایف نے حال ہی میں پاکستانی معیشت پر مثبت رپورٹ جاری کی ہے۔

جس میں کہا گیا ہے کہ پاکستان نےمعاشی اہداف تقریباً حاصل کرلئے، امریکی ادارے بلوم برگ نے سرمایہ کاری کیلئے پاکستان کو دنیا کے 10بہترین ممالک میں شامل کرنے کی نوید سنائی ہے۔

جس کا کہنا ہے کہ ایک سال میں کراچی اسٹاک مارکیٹ کے 100 انڈیکس میں 16فیصد کا نمایاں اضافہ ہوا ہے، جون کے دوران کراچی اسٹاک ایکس چینج ایشیا پیسیفک خطے کا دوسرا بہترین شیئر بازار رہا۔

گزشتہ روز مارکیٹ نے تاریخ کی بلند ترین سطح پر پہنچنے کا نیاریکارڈ اپنے نام کیا، مارکیٹ تاریخ میں پہلی بار دوران ٹریڈنگ 35500 پوائنٹس کا سنگ میل عبور کرگئی، اسی طرح کریڈٹ ریٹنگ ایجنسی موڈیز نے پاکستانی معیشت کا آؤٹ لک مستحکم سے مثبت کردیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top