site
stats
اہم ترین

ماں اوربچے کا تحفظ حکومت کی اولین ترجیح ہے، نواز شریف

اسلام آباد : وزیراعظم محمد نوازشریف نے کہا ہے کہ بہترغذا اور حفاظتی ٹیکہ جات کے ذریعہ ماں اوربچے کا تحفظ حکومت کی اولین ترجیحات میں شامل ہے۔

وہ گلوبل الائنس فار ویکسینز اینڈ ایمیونائزیشن (گاوی) کے اعلیٰ سطح کے وفد سے ملاقات کے دوران اظہار خیال کررہے تھے۔

وفد نے چیف ایگزیکٹو آفیسر ڈاکٹرستھ برکلے کی سربراہی میں ایوان وزیراعظم میں ان سے ملاقات کی جبکہ وفد میں عالمی ادارہ صحت( ڈبلیو ایچ او) کے نمائندہ اعلیٰ الوان اور بل گیٹس فاﺅنڈیشن کے نمائندے ڈاکٹر کرس الائزبھی شامل تھے ۔

وزیراعظم نے کہا کہ معمول کے حفاظتی ٹیکہ جات اور ویکسین انتہائی اہم ہیں اور اس ضمن میں تمام صوبائی حکومتوں کو ہدایت کی گئی ہے کہ وہ اس عمل کو تیز کرنے کےلئے موثر اقدامات اٹھائیں تاکہ ویکسین اور حفاظتی ٹیکہ جات میں پیچھے رہ جانے والے علاقے ترقی یافتہ علاقوں کے برابر آسکیں۔

وفد نے وزیراعظم کی جانب سے اس عمل میں ذاتی دلچسپی لینے پر ان کی تعریف کی جبکہ پولیو کے خاتمہ کے پروگرام پرعملدرآمد اور معمول کی ویکسین اور حفاظتی ٹیکہ جات پر خصوصی توجہ دینے پروزارت صحت کے کردار کو بھی سراہا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top