بنوں : جنوبی وزیرستان کے آپریشن متاثرین (آئی ڈی پیز)کی واپسی سولہ مارچ سے شرو ع ہوگی جو چار اپریل تک جاری رہے گی ۔
اے آروائی نیوز نے متاثرین کے واپسی کا شیڈول حاصل کرلیا۔ آپریشن راہ نجات کے متاثرین کی واپسی کیلئے بنوں میں اہم اجلاس ہوا۔
جس میں متاثرین کی واپسی کیلئے اہم فیصلے کیے گئے۔رزمک، دتہ خیل اور شیوہ میں مقیم متاثرین کے ڈیٹا کے تصدیق کیلئے نادرا موبائل وین بھی بھیجی جائے گی۔
راہ نجات کے نتیجے میں نقل مکانی کرنے والے خاندانوں کو واپسی پر نقد امداد کیلئے اے ٹی ایم کارڈ ،حفظان صحت کٹ سمیت مفت ٹرانسپورٹ دی جائے گی اور متاثرین کی واپسی کو مقررہ مدت میں یقینی بنایا جائے گا۔
