مجلس وحدت المسلمین نے عید میلاد النبی کے جلوسوں میں شرکت کا اعلان کر دیا، مرکزی پولیٹیکل سیکرٹری ناصر شیرازی کا کہنا ہے کہ ایم ڈبلیو ایم جلد اقلیتی ونگ بھی قائم کرے گی۔
لاہور میں بشپ آف پاکستان نذیر عالم کے ساتھ پریس کانفرنس سے خطاب کرتے ہوئے مجلس وحدت المسلمین کے پولیٹیکل سیکرٹری ناصر شیرازی کا کہنا تھا کہ ان کی جماعت میلاد کے جلوسوں میں ہر سطح پر شرکت کرینگے۔
بارہ ربیع الاول کو شیعہ سنی کی تفریق ختم کر دینگے، بشپ آف پاکستان نذیر عالم کا کہنا تھا کہ مسیحی محب وطن ہیں لیکن حکومتی امور میں انہیں نظر انداز کیا جا رہا ہے، انھوں نے مطالبہ کیا کہ جداگانہ طریقہ انتخاب بحال کرکے اقلیتوں کو ان کے حقوق دیئے جائیں۔
