The news is by your side.

Advertisement

مسائل بڑھے تو حکمرانوں کو مشکل ہوجائے گی،عمران خان

اسلام آباد: پاکستان تحریک انصاف کے چیئرمین عمران خان کاکہنا ہےکہ وہ بالکل نہیں چاہتے کہ شہروں کو بند کیا جائے، بنی گالا میں پریس کانفرنس سے خطاب کرتے ہوئے انہوں نے کہا کہ مسئلے بڑھیں گے تو حکومت کیلئے حکومت چلانا مشکل ہو جائیگا،عمران خان نے کہا کہ فیصل آباد میں فائرنگ کرنے والا ملزم گرفتار ہے، خدشہ ہےاسے مار دیاجائےگا۔

حکومت سے مشروط مذاکرات نہیں کریں گے، سیالکوٹ میں ایم کیوایم  کے کارکن باؤانوار کے قتل کی پرزورمذمت کرتے ہیں،  عمران خان نے ایک سوال کے جواب میں کہا کہ ہم پرلاشوں کی سیاست کا الزام لگانے والے جمہوریت سے نابلد ہیں اور وہ بد عنوان لوگ ہیں،دھرنوں اور مظاہروں میں ہمارے کارکنان پر فائرنگ کی گئی۔

عمران خان نے کہا کہ تمام سیاسی جماعتیں دھاندلی کا رونا رو رہی ہیں لیکن اس کے سد باب کیلئے کوئی آواز نہیں اٹھا رہا، انہوں نے اے این پی کے رہنماؤں کو مخاطب کرتے ہوئے کہا کہ خیبر پختونخوا میں ہمارا مینڈیٹ بے شک تسلیم نہ کریں، جب چاہیں کوئی بھی حلقہ کھلوا کر ووٹوں کی گنتی کرالیں ہم ہر طرح سے تیار ہیں۔،

Comments

یہ بھی پڑھیں