مشکل کی گھڑی میں متاثرینِ سیلاب کوتنہا نہیں چھوڑیں گے،وزیرِاعظم -
The news is by your side.

Advertisement

مشکل کی گھڑی میں متاثرینِ سیلاب کوتنہا نہیں چھوڑیں گے،وزیرِاعظم

آزاد کشمیر: وزیرِاعظم نواز شریف کا کہنا ہے کہ مشکل کی گھڑی میں متاثرینِ سیلاب کو تنہا نہیں چھوڑیں گے، ملک منفی سیاست کا متحمل نہیں ہوسکتا ہے۔

وزیرِاعظم نواز شریف نے اپنے دورے کے دوران حویلی آزاد کشمیر میں متاثرینِ سیلاب سے خطاب کرتے ہوئے کہا کہ سیلاب سے تباہی پردلی افسوس ہے، متاثرین کودی جانیوالی رقم معاوضہ نہیں امداد ہے، مشکل کی اس گھڑی میں متاثرین کو تنہا نہیں چھوڑیں گے۔

نواز شریف نے کہا ہے کہ دھرنوں سے فرصت ملنے کے بعد مظفرآباد آؤں گا۔

  وزیرِاعظم کا کہنا تھا کہ حکومت متاثرین کے دکھ درد کم کرنے کی بھرپور کوششیں کر رہی ہے، متاثرین کے مکانات کی تعمیرِ نو اورکاروبار کی بحالی میں حکومت تعاون کرے گی، جاں بحق افراد کے لواحقین کو فی کس دس لاکھ روپے دیئے جائیں گے۔

  وزیرِاعظم نے کہا ہے کہ پاکستان اس وقت منفی سیاست کا متحمل نہیں ہوسکتا، ملک میں مثبت اور تعمیری سیاست ہونی چاہئے۔

Comments

comments

یہ بھی پڑھیں