The news is by your side.

Advertisement

ملک بھر کے قومی وصوبائی حلقوں کے تھیلے کھولنے کا حکم

اسلام آباد : انکوائری کمیشن نے فارم 15 کے معائنے کے لئے قومی اور صوبائی اسمبلیوں کے انتخابی تھیلےکھولنے سے متعلق فیصلہ جاری کردیا جس کے مطابق کمیشن نے ملک بھر کے قومی وصوبائی حلقوں کے تھیلے کھولنے کا حکم دے دیا۔

انکوائری کمیشن کے جاری کردہ تحریری فیصلے کے مطابق تھیلے کھولنے کے لئے متعلقہ ضلع کے ڈسٹرکٹ اینڈ سیشن جج کی خدمات حاصل کی جائیں گی۔

ڈسٹرکٹ سیشن جج کی معاونت علاقائی الیکشن کمشنر کریں گے۔ فارم 15 کے حصول کے لئے سفید، خاکی اور نیلے رنگ کے تھیلے کھولے جائیں گے اور ان کے علاوہ دیگر کسی بیگ کو نہیں چھیڑا جائے گا۔

کمیشن نے ہدایت کی ہے کہ فارم 15 کی فوٹواسٹیٹ نقول ڈسٹرکٹ اینڈ سیشن جج کی تصدیق کے ساتھ سربہمر لفافوں میں کمیشن کو ارسال کی جائے گی۔

کسی پولنگ اسٹیشن کے تھیلے میں اگر فارم 15 نہ نکلے یا تھیلا کھلا ملے تو اس کی اطلاع کمیشن کو رپورٹ کی صورت میں دی جائے گی۔

قبائلی علاقہ جات میں یہ کام پولیٹیکل ایجنٹس کریں گے۔ اس سے پہلے اس ضمن میں تمام تمام سیاسی جماعتوں کے وکلاء اور الیکشن کمیشن کے ماہرین کا ایک اجلاس آج صبح سپریم کورٹ میں بند کمرے میں ہوا جس میں وکلا کے دلائل اور الیکشن کمیشن کے ماہرین کی دی جانے والی رائے کی روشنی میں یہ فیصلہ کیا گیا۔

Comments

comments

یہ بھی پڑھیں