کراچی: سندھ اسمبلی میں ایم کیو ایم کے ڈپٹی پارلیمانی لیڈر خواجہ اظہار الحسن نے کہا ہے مہاجر سندھ کی متروکہ سرزمین کے وارث ہیں اور متروکہ سندھ پر مشتمل صوبہ چاہتے ہیں۔
یہ بات اُنھوں نے صوبائی وزیر منظور وسان کے بیان پررد عمل میں کہی۔ خواجہ اظہار الحسن کا کہناتھا کہ افغان پاکستان میں مہاجر نہیں پناہ گزین ہیں ہم نے پہلے پاکستان بنایا اورپھر پاکستان ہجرت کی تھی ۔
مہاجر اپنے حصے کا پاکستان ساتھ لے کر آئے تھے اور ہم ملک میں کسی کی ایک انچ زمین کے دعوے دار نہیں۔ اُنھوں نے کہا کہ وڈیرے جاگیردار سندھ کی متروکہ سرزمین پر قابض ہیں، اور ان وڈیرے، جاگیرداروں کا قبضہ ایک کروڑ ایکڑ پر ہے۔
- Advertisement -
