The news is by your side.

Advertisement

نئے سال گیس کی قیمتوں میں ہوشربا اضافے کی تیاری شروع

نئے سال پر عوام کو مہنگائی کے ایک اور طوفان کا سامنا ہوسکتا ہے، جنوری میں گیس کی قیمتوں میں ہوشربا اضافے کی تیاری شروع کردی گئی۔

نئے سال پر پیٹرول مہنگے ہونے کے امکان کے بعد گیس کی قیمتیں بڑھانے کی درخواست کےباعث مہنگائی کا ایک اورسونامی عوام کو دبوچنے کیلئے تیار ہورہا ہے۔۔

گیس کمپنیوں سوئی نادرن اور سوئی سدرن نے اُوگرا کو گیس مہنگی کرنے کی درخواستیں جمع کرادی ہیں، دونوں کمپنیوں نے گیس کے نرخ 124 فیصد تک بڑھانے کی درخواست دی ہے۔

اوگرا نے بغیر کسی اعتراض کے دونوں درخواستوں کو سماعت کے لئے منظوربھی کرلیا ہے، سوئی ناردرن گیس کمپنی نے 131 روپے ایم ایم بی ٹی یو اضافے کی درخواست دی ہےجبکہ سوئی سدرن نے 61 روپے ایم ایم بی ٹی یو اضافے کی درخواست اُوگرا کو جمع کرائی ہے۔

سوئی ناردرن کی درخواست کی سماعت 16 جنوری کو لاہور میں ہوگی جبکہ سوئی سدرن کی درخواست کی سماعت 24 جنوری کو کراچی میں ہوگی۔

Comments

comments

یہ بھی پڑھیں