جمعرات, فروری 13, 2025
اشتہار

نئے پاکستان کی بنیاد کے پی کے سے رکھ رہےہیں،عمران خان

اشتہار

حیرت انگیز

کوہستان : پاکستان تحریک انصاف کے چیئر مین عمران خان نے نئے پاکستان کی بنیاد خیبرپختونخوا سے رکھنے کا اعلان کردیا ۔

تفصیلات کے مطابق چئیرمین پی ٹی آئی عمران خان نے خیبرپختونخواہ کے علاقوں کوہستان،بشام اورشانگلہ کادورہ کیا۔ کوہستان میں جلسے سے خطاب کرتے ہوئے انہوں نے کہا کہ نئے پاکستان کی بنیاد کےپی کے سے رکھ رہے ہیں۔

عمران خان کاکہنا تھاکہ کوہستان میں نیشنل پارک بنانے کی خواہش ہے۔ کوہستان میں پانی سے بجلی پیداکی جاسکتی ہے۔ انہوں نے اس عزم کابھی اظہارکیاکہ پی ٹی آئی کوہستان سے درختوں کی کٹائی کاسلسلہ بندکرائے گی۔

عمران خان نے تعلیم پر توجہ دینے کی ضرورت پر زور دیتے ہوئےکہا کہ تحریک انصاف صوبے میں معیار تعلیم کو بلند کرنے کے لیے اقدامات کر رہی ہے۔

چیئرمین تحریک انصاف نے کوہستان سے پارٹی میں شمولیت اختیارکرنیوالے اراکین کےاعزازمیں دیئےگئے ظہرانے میں بھی شرکت کی۔

اہم ترین

مزید خبریں