site
stats
کھیل

نشان حیدر کبڈی ٹورنامنٹ پاک آرمی نے جیت لیا

رحیم یارخان :تیسرا آل پاکستان نشان حیدر کبڈی ٹورنامنٹ پاک آرمی نے جیت لیا۔ فائنل میچ میں پاک آرمی نے پاک فضائیہ کو 9پوائنٹ سے شکست دی۔

پاک فوج کے شہدا کو خراج تحسین پیش کرنے کےلئے نشان حیدر آل پاکستان کبڈی ٹورنامنٹ جناح اسپورٹس کمپلیکس صادق آباد میں اختتام پذیر ہو گیا۔کبڈی ٹورنامنٹ میں 8 ٹیموں نے حصہ لیا ۔

پاکستان آرمی،ائرفورس، واپڈا، پولیس، سوئی سدرن گیس ، پی او ایف،پاکستان ریلوے اور پنجاب کی ٹیمیوں نے حصہ لیا۔ جناح اسپورٹس کمپلیکس میں شائقین کی بڑی تعداد موجود تھی۔

پاکستان ایئر فورس اور پاکستان آرمی کے درمیان دلچسپ مقابلہ ہوا۔ پاک آرمی کی ٹیم پاک فضائیہ پر غالب آگئی اور میچ 40کے مقابلے میں 49اسکور سے جیت لیا۔

آخر میں فاتح ٹیم کو ڈیڑھ لاکھ روپے،ٹرافی اور رنر اپ ٹیم کو ایک لاکھ روپے اور ٹرافی و دیگرانعامات دیئے گئے ۔ کبڈی ٹورنامنٹ کے مہمان خصوصی لیفٹننٹ جنرل طارق ندیم حلال امتیاز ملٹری نے ٹیموں میں انعامات تقسیم کئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top