The news is by your side.

Advertisement

نویں‌، دسویں جماعت میں‌ فیل ہونے والے بچوں‌ کو پاسنگ مارکس دینے کا اعلان

پشاور: خیبرپختون خواہ کے وزیر تعلیم شہرام ترکئی نے نویں اور دسویں کے تمام طالب علموں کو پاسنگ مارکس دینے کا اعلان کردیا۔

اے آر وائی نیوز کے مطابق صوبائی وزیر تعلیم شہرام ترکئی نے گفتگو کرتے ہوئے کہا کہ کرونا صورت حال میں امتحانات منعقد کئےگئے، 9ویں، 10ویں امتحان میں فیل طلبہ کو 33 نمبردے کر پاس کیا جائے گا۔

انہوں نے کہا کہ ’بچے کرونا کی ذہنی اذیت کا شکار اور شدید پریشان تھے، اسی وجہ سے انہیں پاسنگ مارکس دیے گئے ہیں‘۔

شہرام ترکئی نے بتایا کہ ’ بورڈ کے امتحانات مئی جون میں ہوں گے، نیا تعلیمی سال اگست 2022 میں شروع ہوگا جبکہ سالانہ امتحانات مئی جون میں فل سلیبس سے لیے جائیں گے‘۔

انہوں نے بتایا کہ ’الحمدللہ تعلیمی اداروں میں بڑی تعدادمیں ٹیچرز نے ویکسین لگوالی  جبکہ 10سال سے زائد عمر کے طالب علموں کو بھی والدین کی اجازت کے بعد ویکسین لگا دی گئی ہے،  کےپی کے جن  اضلاع میں اسکول بند ہیں وہاں16ستمبر  سےکھولنے کا فیصلہ کیا گیا ہے’ْ

Comments

یہ بھی پڑھیں