site
stats
کھیل

ورلڈ کپ :آسٹریلیا نے افغانستان کیخلاف ریکارڈ 417 رنز بنا لئے

پرتھ : آسٹریلیا نے افغانستان کیخلاف رنز کا پہاڑ کھڑا کرکے افغانی ٹیم کو مشکل میں ڈال دیا ،مقررہ پچاس اوورز میں چار سو سترہ رنز بنا کر ورلڈ کپ کا سب سے بڑے اسکور کا اعزاز اپنے نام کر لیا۔

تفصیلات کے مطابق پرتھ میں کھیلے جانے والے گروپ اے کے میچ میں آسٹریلیا کی ٹیم نے چھ کھلاڑیوں کے نقصان پر چار سو سترہ رنز بنا لئے۔

سب سے زیادہ رنز ڈیوڈ وارنر نے اسکور کئےاور انیس چوکوں اور پانچ چھکوں کی مدد سے ایک سو اٹھتّر رنز بنا کر شپور زردان کی بال پر محمد نبی کے ہاتھوں کیچ آؤٹ ہوئے۔

اسٹیون اسمتھ نے 95 رنزاور گلین میکسویل 88 رنز بنا کر نمایاں رہے،دوسری جانب افغانستان کے دولت زردان نے ایک سو ایک رنز دے کر دو کھلاڑیوں کو آؤٹ کیا،جبکہ شپور زردان نے 89 رنز دے کر دو وکٹیں لیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top