The news is by your side.

Advertisement

وزیرنوازشریف نے ’وائی فائی ٹرین‘ کا افتتاح کردیا

اسلام آباد: وزیراعظم نواز شریف نے اسلام آباد سے کراچی کے درمیان پاکستان کی پہلی اے سی بزنس کلاس وائی فائی ٹرین’’گرین لائن ٹرین‘‘ کا افتتاح مارگلہ ریلوے اسٹیشن پرکردیا ہے۔

وائی فائی کی سہولت

 ذرائع کا مزید کہنا ہے کہ سفر کے دوران ٹرین میں مسافروں کو کھانا، ناشتہ، منرل واٹر فری، پڑھنے کے لیے اخبارات، سونے کے لیے معیاری بڈنگ اورسب سے بڑھ کر’وائی فائی‘ کی سہولتیں میسرہوں گی۔

تفصیلات کے مطابق ٹرین میں 540 مسافروں کے بیٹھنے کی گنجائش ہوگی جب کہ اسلام آباد سے کراچی تک فی مسافر5500 سو روپے جب کہ بچوں کے لیے 4100 یکطرفہ مقرر کیا گیا جب کہ لاہور سے کراچی تک کے لیے فی مسافرکرایہ 5000 روپے یکطرفہ مقررکیا گیا، ذرائع کے مطابق ٹرین کے لاہور، ساہیوال، بہاولپور ، روہڑی اور حیدرآباد میں ٹیکنیکل اسٹاپ ہوں گے، ٹرین سہ پہر 3 بج کر 15 منٹ پرروزانہ مارگلہ ریلوے اسٹیشن سے روانہ ہوا کرے گی، راولپنڈی سے 4 بجے روانہ ہوگی اوررات 8 بجے لاہورریلوے اسٹیشن پر پہنچے گی جہاں20 منٹ کا اسٹاپ ہوگا۔

اس دوران ٹرین کے ساتھ مزید چار ویگنز لگائی جائیں گی، ذرائع کاکہنا ہے کہ گرین لائن ٹرین 23 گھنٹوں میں اسلام آباد سے کراچی تک اپنا سفر طے کرے گی جب کہ پاکستان ریلوے کی سب سے تیزچلنے والی ٹرین تیز گام اسلام آباد سے کراچی تک اپنا سفر 27 گھنٹے میں طے کرتی ہے

ریلوے کے ذرائع کا کہنا ہے کہ پاکستان ریلوے کے سی ای او ٹرین کی کارکردگی کو روزانہ کی بنیادوں پر مانیٹر کریں گے اور ریلیوے کے دیگر اعلیٰ افسران بھی کنٹرول روم کے ذریعے ٹرین کے معاملات کی نگرانی کریں گے۔

Comments

comments

یہ بھی پڑھیں