میڈرڈ: ٹور آف اسپین سائیکل ریس کا اٹھارواں مرحلہ اٹلی کے فیبیو آرو نے جیت لیا۔ اسپین کے ایلبرٹو کونٹوڈور کو ریس لیڈر کی یلو جرسی حاصل ہے۔ ٹور آف اسپین سائیکل ریس کا اٹھارواں مرحلہ ایک سو ستاون کلو میٹر پر مشتمل تھا۔ پہاڑ کے گردونواح میں ہونے والی طویل ریس میں سائیکلسٹ کو دشواری کا سامنا رہا۔
اٹلی کے فیبیو آرو نے برق رفتاری کا مظاہرہ کیا اور تمام حریفوں کو پیچھے چھوڑتے ہوئے ریس اپنے نام کرلی۔ اٹالین رائڈر نے مقررہ فاصلہ تین گھنٹے سینتالیس منٹ اور سترہ سیکنڈز میں طے کیا۔
اس کامیابی کے بعد فیبیو ریس لیڈر ایلبرٹو کونٹوڈور کے قریب پہنچ گئے ہیں۔ ایلبرٹو کونڈوڈور اکہتر گھنٹے اڑتیس منٹ اور سینتیس سیکنڈز کے ساتھ لیڈ کررہے ہیں۔
