پاکستان اور آسٹریلیا میں 4روزہ پریکٹس میچ کا کل سے آغاز -
The news is by your side.

Advertisement

پاکستان اور آسٹریلیا میں 4روزہ پریکٹس میچ کا کل سے آغاز

شارجہ : پاکستان اے ٹیم اور آسٹریلیا کے درمیان چار روزہ پریکٹس میچ کل سے شارجہ میں شروع ہوگا، دو ٹیسٹ کی سیریز کے لئے قومی اسکواڈ کا اعلان پریکٹس میچ کے اختتام پر کیا جائے گا۔

پاکستانی ٹیم کا ایک اور کڑا متحان ابھی باقی ہے، یو اے ای میں دو ٹیسٹ میچ کی سیریز بائیس اکتوبر سے شروع ہوگی لیکن قومی اسکواڈ کا اعلان چار روزہ پریکٹس میچ کے بعد ہی ہوگا اور ان کھلاڑیوں کو سیلیکٹ کیے جانے کا امکان ہے، جو پریکٹس میچ میں بہترین کارکردگی دکھائیں گے۔

آسٹریلیا کے خلاف ہوم سیریز پاکستان کرکٹ ٹیم کے لئے ڈراؤنا خواب بنتی جارہی ہے، پے در پے شکست اور انجریز نے ٹیم کی مشکلات میں اضافہ کردیا ہے، وکٹیں ایک طرف کپتانی کا بحران سنگین ہوتا جارہا ہے۔

دوسری جانب ٹیسٹ سیریز میں کم بیک کے لئے مینجمنٹ سرجوڑ کر بیٹھ گئی ہے، کپتان مصباح الحق کے لئے ٹیسٹ سیریز بقاء کی جنگ ہوگی۔

ون ڈے سیریز میں مصباح کی کارکردگی پر سوالیہ نشان لگ گیا ہے، ادھر آل راؤنڈر محمد حفیظ اور جنید خان کی شرکت فٹنس سے مشروط ہے، فاسٹ بولر وہاب ریاض انجری کے باعث ٹیم کا حصہ نہیں ہوں گے۔

Comments

comments

یہ بھی پڑھیں