پاک بھارت میچ کے ٹکٹس کی زائد قیمت میں فروخت -
The news is by your side.

Advertisement

پاک بھارت میچ کے ٹکٹس کی زائد قیمت میں فروخت

ایڈیلڈ: کرکٹ ورلڈ کپ نے شائقین کو اپنے سحر میں جکڑ لیا ہے۔ آئندہ ماہ پندرہ فروری کو ہونے والے پاک بھارت سنسنی خیز مقابلے کے ٹکٹس مہنگے داموں فروخت ہونے کا سلسلہ جاری ہے۔

بڑے ایونٹ کا بڑا میچ اور شائقین کو ورلڈ کپ میں پاک بھارت مقابلے کا بے چینی سے انتظار ہے۔ جنوبی ایشیا کے ان روایتی حریفوں کا مقابلہ دیکھنے کا شوق نہ صرف ان کے آبائی ملکوں میں بہت زیادہ ہے بلکہ دنیا بھر میں کرکٹ کے دلدادہ یہ میچ دیکھنے کی خواہش رکھتے ہیں۔

اسی لئے پندرہ فروری کو ایڈیلڈ میں ہونے والے سنسنی خیز اور پرجوش مقابلے کے ٹکٹس مہنگے داموں فروخت ہورہے ہیں۔ کانٹے دار میچ کے ٹکٹس اصل قیمت سے بیس گنا زیادہ نرخوں پر فروخت کئے جا رہے ہیں۔

ایڈیلیڈ میں شیڈول مقابلے کی ٹکٹ چار سو ڈالر تک فروخت کئے جارہے ہیں۔

Comments

comments

یہ بھی پڑھیں