site
stats
اہم ترین

پنجاب پولیس نےبھکرمیں ماڈل ٹاؤن کی تاریخ دہرادی، طاہرالقادری

لاہور: پاکستان عوامی تحریک کے سربراہ علامہ ڈاکٹر طاہرالقادری کا کہنا ہے کہ پولیس نے دہشتگردی کی انتہا کردی ہے،فائرنگ کرکے ایک کارکن کو شہید کردیا ہے انہوں نے شہباز شریف کو پندرہ شہیدوں کا قاتل قرار دے دیا۔

لاہور ماڈل ٹاؤن میں پریس کانفرنس کرتے ہوئے ڈاکٹر طاہر القادری کا کہنا تھا کہ پولیس کی فائرنگ سے تحریک کا ایک کارکن شہید ہوگیا پانچ زخمی ہوئے ساٹ: علامہ ڈاکٹر طاہر القادری نے وزیر اعلی پنجاب کو پندرہ شہیدوں کا قاتل قرار دے دیا ہے،انہوں نے کہا کہ وزیراعلیٰ شہبازشریف کارکنوں کومحصور کرکے بھوکا پیاسا مارناچاہتے تھے۔

طاہر القادری کا کہنا تھا کہ پولیس اہلکاروں نے حکمرانوں کے حکم پر ماڈل ٹاؤن کو سیل کردیا وہاں نہ کھانا ہے نا پانی ہے اور جو یہ چیزیں خریدنے جاتا ہے پولیس ان کو حراست میں لیتی ہے، لوگ بھوک پیاس سے مررہے ہیں اب وہ کنٹینرز نہ ہٹائیں تو کیا کریں، ڈاکٹرطاہرالقادری نےکہاکہ پنجاب حکومت اور پولیس انہیں اوران کےاہلِ خانہ کوقتل کرکےمنہاج القرآن سیکریٹریٹ پر قبضہ کرناچاہتی ہے، شہیدوں کا خون رائیگاں نہیں جائےگا،یومِ شہداء پرامن ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top