پیٹرولیم جیلی : ایک مخملی احساس کانام -
The news is by your side.

Advertisement

پیٹرولیم جیلی : ایک مخملی احساس کانام

اے آر وائی (ویب ڈیسک)خوبصورت نظر آنا خواتین کی بنیادی خواہش ہے اور وہ اپنے حسن کی حفاظت کے لیے مختلف مصنوعات استعمال کرتی ہیں جن میں سر فہرست بازار میں ملنے والی مہنگی پیک اشیاء ہیں لیکن اگر حسن وخوبصورتی قائم رکھنے کے لیے ایک سستا نعم البدل مل جائے جس سے ایک دو کی بجائے بے شمار فائدے حاصل ہوجائیں تو کیاکہنا، اورجو زیادہ مہنگی بھی نہ ہو۔ بمشکل ہی کوئی ہوگا جس کے ڈریسنگ ٹیبل یا دراز میں ویسلین نہیں ہوگی ۔ پیٹرولیم جیلی کو معمولی نہ جاننے یہ موم‘ آئل اوردوسرے قدرتی اجزاء پرمشتمل ایک اہم مصنوع ہے ۔ جو سستی تو ہے مگر اس کے بے پناہ فائدے ہیں ۔ اگرچہ ہم میں سے بہت سے لوگ اس بات سے واقف نہیں کہ پیٹرولیم جیلی کا مقصد صرف سردیوں میں خراب ہاتھوں یاپھٹی ہوئی ایڑیوں کی دیکھ بھال نہیں ہے بلکہ اس کو ہم اوربھی بہت سے مقاصدکے لیے استعمال کرسکتے ہیں۔

پیٹرولیم جیلی کے استعمال کو جاننے سے پہلے یہ جائزہ لیتے ہیں کہ پیٹرولیم جیلی بنی کس طرح ؟ اس کے بارے میں عام قیاس یہ ہے کہ انیسویں صدی کے اوآخر میں ایک کیمیا دان رابرٹ چیز برونے مشاہدہ کیا کہ فیکٹری کے ملازم جلد میں نمی کے لیے موم بتی استعمال کرتے ہیں جوزخم اورکسی بھی طرح کی خراش کو بھی مندمل کرنے کاکام کرتی ہے ۔ رابرٹ چیز برو نے اس بات کو ذہن نشین کرتے ہوئے مختلف قسم کی مصنوعات تیار کیں جن کابنیادی جز پیٹرولیم جیلی تھا اوران کو مختلف طرح کے جار میں محفوظ کرلیا۔ اس طریقے سے جیلی ہم تک پہنچی جس کو ہم محدود پیمانے پر استعمال کرتے ہیں ۔ آپ حیران ہو رہے ہوں گے کہ بھلا پیٹرولیم جیلی کااور کیا استعمال ہو سکتا ہے۔ حیران ہونا چھوڑیں اورپٹرولیم جیلی کا صحیح فائدہ اٹھائیں ۔

کیاآپ جانتے ہیں کہ پٹرولیم جیلی کے استعمال سے آپ اپنی مسکراہٹ میں ایک خاص چمک پیدا کر سکتے ہیں کہ دیکھنے والا دیکھتا رہ جائے ۔ ٹی وی پر ماڈلز کے دانتوں کی جگمگاہٹ کسی اوروجہ سے نہیں بلکہ یہ پیٹرولیم جیلی کی مرہون منت ہے اپنی انگلی پر تھوڑی سی پیٹرولیم جیلی لیں اوراسے دانتوں اورمسوڑھوں پر اچھی طرح مل لیں اورپھر کمال دیکھیں کہ یہ کیسے موتیوں کی طرح دکھتے ہیں ۔
ایک سادہ لپ گلوس جو آپ کے پاس موجود ہے ۔ وہ پیٹرولیم جیلی ہی ہے جب بھی ہونٹ خشک ہوں یا ویسے ہی ہونٹوں کو نرم وملائم تاثر دینے کیلئے ان پر پیٹرولیم جیلی لگائیں یہ نہ صرف ہونٹوں کونمی دے گی بلکہ ایک چمک بھی پیدا کردے گی۔ اس کے علاوہ لپ اسٹک لگانے کے بعد بھی گلوس کی بجائے پیٹرولیم جیلی لگائیں۔

اگرآپ کے بال خشک ہیں تو ان کواسٹائل دینے کے لیے پیٹرولیم جیلی استعمال کریں جو نہ صرف بالوں میں چمک پیدا کرے گی بلکہ ان سے بال گھنے بھی لگیں گے۔ انگلیوں پر پیٹرولیم جیلی لگا کر بال سیٹ کریں جسے عام طورپر کئے جاتے ہیں۔ پیٹرولئم جیلی بالوں کو قابو کرکے ایک دلکش اسٹائل دے گی اوراگر بالوں میں کبھی چیونگم لگ جائے تو بالوں کو کاٹنے کی بجائے اسے اتارنے کیلئے بالوں پرپیٹرولیم جیلی رگڑیں چیونگم آسانی سے اتر جائے گی پیٹرولیم جیلی آئی برو کو ایک جگہ سیٹ رکھنے کے لیے بھی استعمال کی جاتی ہے بہت تھوڑی مقدارمیں پیٹرولیم جیلی کو فنگر ٹپ یا آئی بروبرش کی مدد سے آئی بروپر لگالیں۔ آئی میک اپ اتارنے کے لیے کسی ریمور کی بجائے پیٹرولئم جیلی سے فائدہ اٹھائیں ۔ کسی صاف نرم کپڑے‘ تولیے یا کاٹن پر پٹرولیم جیلی لگا کے نرمی سے میک اپ اتار لیں ۔ آپ دیکھیں گی کہ پیٹرولیم جیلی سے نا صرف میک اپ صاف ہو جاتا ہے ۔ بلکہ مسکارااتارنے بھی معاون ہے ۔ خود سے اٹھنے والی خوشبو کو تادیر قائم رکھنے کے لیے اپنی کلائی‘ گردن اور جس حصے پر آپ پرفیوم یا باڈی اسپرے لگاناچاہتے ہیں وہاں پیٹرولیم جیلی لگالیں ۔
کمزورناخنوں کے کنارے بہت جلد ٹوٹ جاتے ہیں اور ایسے ناخن دیکھنے میں بھدے لگتے ہیں ناخنوں کی مضبوطی کیلئے ان پر پیٹرولیم جیلی لگایا کریں یہ ناخنوں کو مضبوطی دیتی ہے ۔

اگرآپ کے پاؤں کھردرے ہیں اور آپ چاہتے ہیں کہ یہ نرم وملائم ہوجائیں تو ان کی حفاظ کے لیے روزانہ رات کو سونے سے پہلے انہیں اچھے طرح دھو کر ان پر پیٹرولیئم جیلی لگائیں اور جرابیں پہن کر سوجائیں کچھ ہی دنوں بعد آپ کے پاؤں نرم وملائم ہونے کے ساتھ ان کی رنگت بھی نکھرآئے گی اس طرح ہاتھوں کی خوصورتی برقرار رکھنے کے لیے برتن دھونے اورکپڑے دھونے سے پہلے ہاتھوں پر پیٹرولیئم جیلی لگالیں تاکہ صابن میں موجود ایسڈ جلد کو نقصا ن نہ پہنچائیں اوررات کو سوتے وقت بھی پٹرولیئم جیلی لگائیں اپنے جسم سے مردہ خلیات کو ختم کرنے کے لیے پیٹرولئیم جیلی اورسمندری نمک کو باہم ملائیں اورنہانے سے پہلے سارے جسم پر اس کا مساج کریں اورپھر دھولیں اس اسکرب سے نہ صرف مردہ خیلات ختم ہوں گے بلکہ جسم کو ایک بہترین موئسچرائزر بھی ملے گا اس کے علاوہ نہانے کے بعد گیلے جسم پر پیٹرولیئم جیلی لگانے سے یہ جلد کو چکنا کئے بغیر نرم رکھتی ہے ۔

اگر لوگوں کی کہنیاں کالی اورکھردری ہوتی ہیں ان پر روزانہ پیٹرولئیم جیلی سے ہلکا سا مساج کریں اس سے کہنیاں آہستہ آہستہ نرم ہوجائیں گی اوراس میں شامل محفوظ ترین بلیچ سے رنگت بھی نکھرآتی ہے ۔ پیٹرولیم جیلی بچوں کے لیے بھی بہترین مصنوعات میں سے ایک ہے بچوں کو ڈائپر لگانے سے پہلے پیٹرولیئم جیلی لگائیں اس سے بچے آرام محسوس کرتے ہیں خاص طور پر رات کو پرسکون نیند سوتے ہیں ۔ کچھ بچے نہاتے ہوئے روتے ہیں کیونکہ صابن ان کی آنکھوں میں جا کے جلن پیدا کرتا ہے پیٹرولیئم جیلی نے اس کا حل بھی پیش کر دیا ہے۔ نہانے سے پہلے بچوں کی بھنوؤں پر پیٹرولیم جیلی لگادیں اس سے ان کی آنکھیں صابن اور شیمپو سے محفوظ رہیں گی ۔ توکہیے کیسا لگا آپ کو پٹرولیم جیلی کے بارے میں جان کے؟ اب اسے صرف ڈریسنگ ٹیبل کی زینت بنانے کی بجائے اس کا صحیح استعمال کریں۔

Comments

comments

یہ بھی پڑھیں