لاہور: پاکستان کرکٹ بورڈ کی سنٹرل کنٹریکٹ کمیٹی نے 29 کھلاڑیوں کے ناموں کی حتمی فہرست تیار کرلی۔
پی سی بی ذرائع کے مطابق سنٹرل کنٹریکٹ کمیٹی نے حتمی فہرست تیار کرلی ہے، جس میں انتیس کھلاڑیوں کے نام شامل ہیں۔ اے کیٹیگری میں مصباح الحق، شاہد آفریدی، اظہر علی، محمد حفیظ، سرفراز احمد اور یونس خان کو شامل کیا گیا ہے۔
سعید اجمل اے سے بی کیٹیگری میں پہنچ گئے ہیں۔
وہاب ریاض، عمر اکمل، احمد شہزاد، عمر گل، محمد عرفان، سہیل تنویر، ذوالفقار بابر اور راحت علی کو بی کیٹگری دی گئی۔
احسان عادل، حارث سہیل، سمیع اسلم، بابر اعظم، سہیل خان، اور محمد رضوان کو سی کیٹگری میں شامل کیا گیا ہے۔
ذرائع کا کہنا ہے کہ کھلاڑیوں کو سنٹرل کنٹریکٹ زمبابوے سیریز کے بعد دیا جائے گا، چیئرمین پی سی بی کو سینٹرل کنٹریکٹ میں ردوبدل کا اختیار ہوگا۔
0
20
