site
stats
کھیل

پی سی بی کے الیکشن جلد سے جلد کرائے جائیںگے،جسٹس ریٹائر سائرعلی

لاہور : پاکستان کرکٹ بورڈ کے قائم مقام چئیرمین جسٹس ریٹائر سائر علی کا کہنا ہے کہ وہ اختیارات سے تجاوز نہیں کریں گے۔ ان کی کوشش ہوگی کہ پی سی بی کے الیکشن ہفتوں میں نہیں دنوں میں کرائے جائیں۔ جسٹس ریٹائر سائر علی نے قذافی اسٹیڈیم لاہور میں پی سی بی کے قائم مقام چئیرمین کا عہدہ سنبھال لیا۔

اس موقع پر نیوز کانفرنس کرتے ہوئے قائم مقام چئیرمین کا کہنا تھا کہ بورڈ کا نیا آئین دس جولائی کو منظور ہوا۔ آئین کے تحت گورننگ بورڈ کے دس ممبران ہیں۔اور گورننگ بورڈ کا ممبر ہی چئیرمین کا الیکشن لڑسکتا ہے۔ قائم مقام چئیرمین پی سی بی کا کہنا تھا کہ آئین چار ہفتے میں الیکشن کرانے کی اجازت دیتا ہے۔

ان کی ذاتی کوشش ہے الیکشن ہفتوں میں نہیں دنوں میں کرائے جائیں۔ جسٹس سائر نے کہا کہ وہ قائم مقام چئیرمین کی مدت مختصر رکھنا چاہتے ہیں۔ وہ اپنی مدت کے دوران اختیارات سے تجاوز ہرگز نہیں کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top