چشمہ نیوکلیئر پاور پلانٹ کے 325 میگا واٹ بجلی کی پیداوار کے حامل چوتھے ایٹمی بجلی گھر کی تعمیر کا آغاز کل سے ہوگا۔
عوامی جمہوریہ چین کے اشتراک سے چشمہ کے مقام پر چوتھا اٹیمی بجلی گھر 2016 ء میں تکمیل کے بعد بجلی کی پیدوار شروع کر دے گا، چشمہ نیوکلیئر پاور پلانٹ( چشنوپ فور ) کی تعمیر کا افتتاح وفاقی وزیر منصوبہ بندی اور ترقیات احسن اقبال کریں گے۔
وفاقی وزیر احسن اقبال چشمہ نیوکلیئر پاور پلانٹ ون، ٹو اور تھری کا معائنہ بھی کریں گے ،چشنوپ فور بھی دیگر ابتدائی تین بجلی گھروں کی طرح جوہری توانائی کے عالمی ادارے کی نگرانی میں بجلی کی پیداوار کرے گا۔
