site
stats
اہم ترین

چوہدری نثارکی اسلا م آباد اور پنڈی پولیس کو ہائی الرٹ رہنے کی ہدایت

اسلام آباد :  وفاقی وزیر داخلہ چوہدری نثار علی خان نے اسلا م آباد اور راولپنڈی کی ضلعی اور پولیس انتظامیہ کو ہدایت کی ہے کہ شمالی وزیرستان آپریشن کے تناظر میں جڑواں شہروں کی سیکیورٹی ہائی الرٹ رکھی جائے۔

وزیرداخلہ کا کہنا تھا کہ سیکیورٹی ایجنسیوں کو اپنی روزانہ کی ڈیوٹی سے بڑھ کر کام کرنے کی ضرورت اور کسی ناخوشگوار واقعہ سے نمٹنے کے لیے انتہائی ذمہ داری کا مظاہرہ کرنے کی ضرورت ہے، جڑواں شہروں کی سیکورٹی انتظامیہ کے درمیان بہترین تعاون ہونا چاہیے تاکہ ہنگامی صورتحال سے بہتر طریقے سے نمٹا جاسکے۔

چوہدری نثار نے پولیس کو ہدایت کی کہ وہ بہتر جسمانی تربیت اور جدید آلات سے اپنی استعداد کار میں اضافہ کرے، چوہدری نثار نے کہا کہ وفاقی دارلحکومت کے حساس مقامات کی سیکیورٹی کو انتہائی سخت رکھا جائے اور اس ضمن میں پولیس اور رینجرز کی مشترکہ پیٹرولنگ ٹیم ان علاقوں میں گشت کرے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top