فیصل آباد میں پولیس انتظامیہ نے چہلم حضرت امام حسین رضی اللہ عنہ کے سلسلے میں سکیورٹی پلان جاری کر دیا ۔ فوج کی خدمات بھی حاصل کر لی گئیں ۔ پولیس حکام کے مطابق چہلم کے حوالے سے فیصل آباد ڈویژن کے چاروں اضلاع میں 85 جلوس اور 144 مجالس منعقد ہوں گی.
جن میں سے ضلع فیصل آباد میں چھ جلوس اور 13 مجالس ، جھنگ میں 29 جلوس اور 48 مجالس ، ٹوبہ ٹیک سنگھ میں 35 جلوس اور 68 مجالس اور ضلع چنیوٹ میں 15 جلوس اور 12 مجالس شامل ہیں ۔
- Advertisement -
اس موقع پر 39 سو پولیس اہلکار ، ایک ہزار رضاکار ، ایلیٹ فورس کے 21 دستوں کے ساتھ ساتھ فوج کی چار کمپنیاں سکیورٹی کے فرائض سرانجام دیں گی۔ .
مرکزی جلوس کی 21 سی سی ٹی وی کیمروں سے مانیٹرنگ کی جائے گی جبکہ کیمروں والی دو موبائل گاڑیاں بھی گشت کرتی رہیں گی۔
