کراچی،رینجرز کا سیاسی جماعت کے دفترپرچھاپہ -
The news is by your side.

Advertisement

کراچی،رینجرز کا سیاسی جماعت کے دفترپرچھاپہ

کراچی : رینجرزنے کراچی کے علاقے گلستان جوہر بلاک سترہ میں ایک سیاسی جماعت کے دفترپر چھاپہ مار کر متعدد افراد کو حراست میں لے لیا،جنہیں بعد میں رہا کر دیا گیا۔

تفصیلات کے مطابق کراچی کے مختلف علاقوں میں قیام امن کے لئے رینجرز کا آپریشن جاری ہے۔ رینجرزنے کراچی کے علاقے گلستان جوہر بلاک سترہ میں ایک رہائشی عمارت میں کارروائی کرتے ہوئے ایک سیاسی جماعت کے دفترپر چھاپہ مار کر متعدد افراد کو حراست میں لے لیا ۔جنہیں بعد میں چھوڑ دیا گیا۔

آپریشن کے دوران داخلی اور خارجی راستوں کو مکمل طور پر بند کردیا گیا اور کسی شخص کو عمارت کے اندر آنے یا باہر جانے کی اجازت نہیں دی گئی تھی۔

علاوہ ازیں رکن صوبائی اسمبلی ایم کیوایم ارتضیٰ فاروقی نے میڈیا سے گفتگو کرتے ہوئے کہا ہے کہ رینجرزنے تلاشی کے بعد عمارت کو کلئیر قرار دے دیا اورکسی شخص کو بھی حراست میں نہیں لیا گیا۔

Comments

comments

یہ بھی پڑھیں