آل سندھ ٹیچرز ایسوسی ایشن نے کراچی پریس کلب کے سامنے احتجاجی مظاہرہ کیا اور عام انتخابات میں فرائض انجام دینے والے چھ ہزار سے زائد اساتذہ کو معاوضہ ادا کرنے مطالبہ کیا۔
کراچی پریس کلب کے سامنے مظاہرین سے خطاب میں آل سندھ پرائمری ٹیچرز ایسوسی ایشن کے صدر شبیر جامڑو کا کہنا تھا کہ اساتذہ کا معاوضہ ادا نہ کیا گیا تو بلدیاتی الیکشن کا بائیکاٹ کرینگے اورکوئی ٹیچر ڈیوٹی ادا نہیں کرے گا۔
شبیر جامڑو نے مطالبہ کیا کہ تھرپارکر میں151 اساتذہ کو جاری کیے گئے شوکاز نوٹس واپس لیے جائیں۔ آل سندھ پرائمری ٹیچرزایسوسی ایشن کے صدر کا کہنا تھا کہ مطالبات تسلیم نہ کیے گئے تو تیرہ جنوری کو سیکریٹری تعلیم کے دفترکا گھیراؤ کیا جائے گا۔
- Advertisement -
