The news is by your side.

Advertisement

کراچی اسٹاک مارکیٹ تاریخ کی سب سے بڑی مندی کا شکار

کراچی: اسٹاک مارکیٹ تاریخ کی سب سےبڑی مندی کا شکار۔ مارکیٹ منہ کے بل زمین پر آگری۔ ہنڈریڈ انڈیکس ایک دن میں چودہ سو پوائنٹس گرگیا۔

کراچی اسٹاک مارکیٹ میں پیر کو کاروباری ہفتے کا تباہ کن آغازہوا،کاروبارشروع ہی پانچ سو پوائنٹس کی گراوٹ سےہوا اور کچھ ہی دیرمیں مارکیٹ منہ کےبل زمین پر آگری۔مارکیٹ کے سینئیرممبرعقیل کریم ڈھیڈھی نےایک میڈیا گروپ کو اس کا ذمےدارٹہرایا۔

 پیر کو مارکیٹ کا بینچ مارک 100انڈیکس ایک دن میں 1419پوائنٹس گرگیا جو اب تک کی تاریخ کی سب سے بڑی مندی ہے ۔100انڈیکس 34520 پوائنٹس سے گرکر 33100 پوائنٹس پربند ہوا۔اس سےقبل گذشتہ سال11 اگست کو1309پوائنٹس کی تاریخی مندی دیکھی گئی تھی، کراچی اسٹاک مارکیٹ کےسابق چئیرمین عارف حبیب نے مندی کو کریکشن قرار دیا۔

اسٹاک تجزیہ کاروں کےمطابق عالمی شئیر مارکیٹس اورتیل کی قیمتوں کا گرنا پاکستانی مارکیٹ میں مندی کی وجہ بنا جبکہ انڈیا سے مذاکرات کی منسوخی اورسیاسی ہلچل بھی مارکیٹ کیلئے بُرا شگون ثابت ہوئی۔

Comments

comments

یہ بھی پڑھیں