کراچی اسٹاک مارکیٹ میں نئے ریکارڈ بننے کا سلسلہ جاری ہے، جمعرات کو دوسرے روز بھی نمایاں تیزی کے نتیجے میں مارکیٹ نے تاریخ کی نئی بلندترین سطح پر پہچنے کا ریکارڈ بنایا، مارکیٹ کے ایک دن میں تین نفسیاتی حدیں عبورکرجانے پرسرمایہ کار کافی خوش نظر آئے، ملکی وغیرملکی سرمایہ کاروں کے بازار حصص میں سرگرم ہوجانے کے باعث مارکیٹ کے کاروباری حجم میں بھی نمایاں اضافہ دیکھا گیا۔

ریڈی مارکیٹ میں 12 ارب 34 کروڑ روپے مالیت کے 38 کروڑ 72 لاکھ شئیرز کے سودے ہوئے،  بینکنگ،،آئل اینڈ گیس،،سیمنٹ اور ٹیکسٹائل سیکٹر کی کمپنیوں کے شئیرز سرمایہ کاروں کی توجہ کا مرکز رہے، مارکیٹ کا بینچ مارک ہنڈریڈ انڈیکس 353 پوائنٹس بڑھکر 25962 پوائنٹس کی نئی ریکارڈ سطح پر بند ہوا۔