کراچی : مخکمہ تعلیم نے اندرون سندھ اور کراچی کے اسکولوں کی موسم گرما کی تعطیلات میں اضافہ کردیا۔
تفصیلات کے مطابق محکمہ تعلیم سندھ نے کراچی سمیت سندھ میں شدید بارشوں کے پیش نظر گرمیوں کی تعطیلات کو گیارہ اگست تک بڑھا دیاہے۔
سندھ میں بارشوں اور سیلاب کی وجہ سے سیکریٹری تعلیم فضل اللہ پیچوہو نے گرمیوں کی تعطیلات بڑھانے کا فیصلہ کیا ہے۔
سیکریٹری تعلیم نے میڈیا سے گفتگو کرتے ہوئے بتایا کہ چیف سیکریٹری سندھ صدیق میمن کو ایک خط لکھا تھا جس میں یہ گذارش کی گئی تھی کہ سندھ میں بارشیں جاری ہیں اور بیشتر علاقے سیلاب کی زد میں ہیں لہٰذا تعلیمی ادارو ں کی تعطیلات کو بڑھایا جائے۔
