site
stats
اہم ترین

کراچی: سی ویو پر ڈوب کر جاں بحق افراد کی تعداد21ہوگئی،ایک لاپتا

کراچی میں سی ویو پر ڈوب کر جاں بحق ہونے والوں کی تعداد اکیس ہوگئی ہے، جبکہ ایک لاپتہ ہے،ڈی سی ساؤتھ کے مطابق دس افراد کو نہاتے ہوئے حراست میں لیا گیا ہے۔

عید کسی کے لئے خوشیوں کا پیام لائی تو کسی کے گھرمیں صفِ ماتم بچھا گئی۔ سی ویو پرنہاتے ہوئے کئی افراد ڈوب گئے جن میں سے بیس کی لاشیں نکال لی گئیں۔ جبکہ ہاکس بے پربھی نہاتے ہوئے چھ افراد بے رحم موجوں کی نذر ہوگئے۔

خوشیوں کی گھڑی غم میں بدل جائے توزندگی کے رنگ بھی پھیکے پڑجاتے ہیں۔ سی ویوپرعید مناتے نوجوان اوربچے بھی نہیں جانتے تھے کہ یہ اُن کی زندگی کی آخری عید ہےانہیں سی ویوپرعید منانا اتنامہنگا پڑاکہ زندگی سے ہی ہاتھ دھونا پڑگئے۔

نہانے پرپابندی کے باوجود سمندرمیں غوطہ لگا کرکئی لوگ بے رحم موجوں کا نوالہ بن گئے۔ سمندرپرنہاتے ہوئے کئی نوجوان اوربچے ڈوبے جن میں سے بیشترافراد کی لاشیں نکال لی گئیں جبکہ کئی اب تک لاپتہ ہیں۔ ان کی تلاش کیلئے نیوی کے غوطہ خوروں سےمدد لی گئی ہے۔

ڈوبنے والوں کے رشتہ دارلاشیں لینے جناح اسپتال پہنچے تو رقت آمیز مناظر تھے ۔ کوئی لخت جگر سے محروم ہوا تو کوئی دوست سے ہاتھ دھو بیٹھا۔ ہاکس بے پربھی ایسا ہی ایک اندوہناک واقعہ ہوا جہاں سمندر میں نہاتے ہوئے چھ افراد ڈوب گئےجن میں سے ایک کی لاش نکال لی گئی ہے جبکہ باقی لاشوں کی تلاش جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top