The news is by your side.

Advertisement

کراچی: چہلم امام حسین کا جلوس حسینیہ ایرانیان میں اختتام پذیر

کراچی میں حضرت امام حسین رضی اللہ عنہ کے چہلم کا جلوس حسینیہ ایرانیان کھارا در پہنچ کر اختتام پذیر ہو گیا، کراچی میں حضرت امام حسین رضی اللہ عنہ کے چہلم کے سلسلے میں نشتر پارک میں مجلس عزا منعقد ہوئی جس میں مولانا شہنشاہ حسین نقوی نے واقعات کربلا اور امام حسین اور ان کے رفقا کے مصائب بیان کیے ، مجلس کے بعد ماتمی جلوس برآمد کیا گیا.

جلوس کے شرکا نے ایم اے جناح روڈ پر امام بارگاہ علی رضا کے سامنے نماز ظہرین ادا کی ۔ جس کے بعد اسرائیل اور امریکا کے پرچم نذر آتش کیے گئے۔ بڑی تعداد میں علم ، شبیہ تابوت ، تعزیے اور شبیہ ذوالجناح جلوس کے ہمراہ ہیں۔ جلوس کے شرکا نوحہ خوانی اور ماتم کر کے شہدائے کربلا کو خراج عقیدت پیش کر رہے ہیں۔ جلوس اپنے روایتی راستوں ایم اے جناح روڈ ، ایمپریس مارکیٹ ، تبت سینٹر سے ہوتا ہوا امام بارگاہ حسینیہ ایرانیان کھارادر میں اختتام پذیر ہوا۔
   

Comments

comments

یہ بھی پڑھیں